تَلْفَة مَتْلُوفَة

تَلْفَة مَتْلُوفَة

***

تْبَعْنَا لَخْرَايَفْ ؤُلَكْدَوبْ

تْحَيْمَرْنَا وَلِّينَا قْرُودْ

لاَ تْگُلُو لِي هَدَا مَكْتُوبْ

ؤُتَبْقَاوْ تْعَدُّو لِيَا عْدُودْ

عْلُ مَنْ وَلِّيتْ مَحْسُوبْ

عَلْ الْعَدْيَانْ وَلَّا جْدُودْ

دِينِي لِمَنْ هُوَ مَنْسُوبْ

وَاشْ القُرْان وَلَا تَلْمُودْ

عْقَلْ لْخُوتْ عْگَبْ مَعْطُوبْ

لْعَاقْلِينْ مَنَا عْلِيهْ شْهُودْ

تشوف لْوَاحَدْ تَالَفْ مَتْعُوبْ

مْكَبَّلْ بِتْقَلِيدْ لْكُفَرْ قْيُودْ

رَاضِي بْحَالُو مَانَوِي اِتُوبْ

حَافَظْ غِيرْ لَكْدُوبْ ؤُجْحُودْ

تَابَعْ عَدَاتْ دِينْ مَقْلُوبْ

ؤُمَنْ دِينُو رَاهْ مَطْرُودْ

فِ حْيَاتُو ؤُهْلُو مَغْلُوبْ

بَابْ رَحْمَة عْلِيهْ مَسْدُودْ

حْيَاتْنَا وَلَّاتْ كُلْهَا عْجُوبْ

مَلِّي رْجَعْ الْحَقْ مَرْدُودْ

لْمَعْقُولْ كْسَاوَهْ لْبَاسْ لَعْيُوبْ

صُوتْ لْبَاطَلْ بِ لْعَلاَّلِي منشود