أَرضْ لِسْلَامْ

أَرضْ لِسْلَامْ

...

لَبْلَادْ لِ تْگَاسْ فِيهَا مْقَامَكْ

بِشْوِفة مَنْ رَجْلِيكْ لْرَاسَكْ

غِيرْ خْوِيهَا گْبَلْ جْرَاحَكْ

أأأأأه...عْلِيكْ يَا لْمَضْيُومْ

عَنْدَكْ إِمَاهُمْ إِضَرْبُو حْسَابَكْ

تْكُونْ لِيكْ قِيمَةْ إِسَمْعُو كْلَامَكْ

إِكَتْرُو لِحْبَابْ ؤُزِيدُو صْحَابَكْ

مَ عَمْرَكْ تْكُونْ مَظْلُومْ

يَحْسَنْ عَوْنَكْ اِلَا نَكْرُوكْ نَاسَكْ

مَ هَمْهُمْ حْوَالَكْ وَلَا هْوَاسَكْ

م لْگِتِي رْفْيگْ وَلَا نْوَاسَكْ

إِنَزْلُو عْلِيكْ غُمُومْ

تَحْرَمْ مَنْ لَحْلَامْ فِ نْعَاسَكْ

تَحْسَبْ مْعَ نَاسْ قْيَاسَكْ

فِ طْعَامَكْ ؤُفْرَاشَكْ ؤُلْبَاسَكْ

مَنْ حْگُوگَكْ مَحْرُومْ

إِخَلِّيوَكْ بِبْلَادْ لكُفَرْ تْمَاسَكْ

ؤُإِنَسِّوَكْ فِ صْلَاتَكْ ؤُمْنَاسَكْ

يَخْدُو مَنَّكْ شْعُورَكْ ؤُحْسَاسَكْ

تَرْجَعْ عَبدْ مَرْشُومْ

فِينْ تَبْغِي إِكُونْ غْرَاسَكْ

فِينْ تَبْغِي إِكْونْ عْرَاسَكْ

فِينْ تَبْغِي إِكْونْ حْبَاسَكْ

هْنَا وَلَا گُومْ كَتْلُومْ

...

شعيب صالح المدكوري

12.01.2018