خيمة شعيب صالح المدكوري

يَا دَاكْ الْغَافَلْ

الزِّينْ لِي عْطَاهْ مُولَاهْ

نِزَادْ وَ تَخْلَقْ مْعَاهْ

مَا طَلْبُو مَا سْعَاهْ

رَبِّي هُوَ لِي عْطَاهْ

اُو عْلَاشْ هُوَ نْسَاهْ

أُو هُوَ حَبُّو وَ بْغَاهْ

يَا مَنْ يَقَلَّبْ عْلَى مَنْ سِوَاهْ

أُو يَتْمَنَّى عنَايْتُو وَ رْضَاهْ

قْلَبْ ظَهُرُ لْخَالْقُو وَ جْفَاهْ

مَا شَافَشْ رَاسُو فِينْ رْمَاهْ

بِعْوَافِي الدّنْيَا كْوَاهْ

بِطْمَعْ أُو لَهْفَة زْوَاهْ

فِي طْرِيقْ الْوَيلْ مَشَّاهْ

طْمَسْ عَقْلُو أُو خَلَّاهْ

عْلَى فِعَلْ الْخِيرْ عْمَاهْ

تْبَعْ شَهُوْتُو وَ هْوَاهْ

اِلَا طْلَبْ مَا يَسْمَعْ نْدَاهْ

أُو لِي زْرَعْ شِي جْنَاهْ

أُو لِي زْرَعْ شِي جْنَاهْ

شعيب صالح المدكوري

14.07.2017