خيمة شعيب صالح المدكوري

كَنْحَلَمْ ؤُ نَتْمَنَّى

.................

كَنْحَنْ وَ نَتْأَلَّمْ

عْلَى شَلَّا بْنِتَاتْ

أُو شَلَّا وْلِيدَاتْ

فِي لَخْلَا مَلْيُوحِينْ

عَرْيَانِينْ مْشَرْدِينْ

لَأ مُوِيْمَة لَا بُو حْنِينْ

كَنْحَنْ وَ نَتْأَلَّمْ

عْلَى وْلِيدَاتْ الشَّامْ

مَحْنِينْ شْحَالْ مَنْ عْوَامْ

مِنْ بْلَاْدْهُمْ مَطْرُودِينْ

فِي بْلَادْ الْغُرْبَى مْهَاجْرِينْ

عَايشِينْ أُو هُمَا مِيتِّينْ

كَنْحَنْ وَ نَتْأَلَّمْ

عْلَى شْبَابْ فِلِسْطِينْ

مَنْ أَرْضْهُمْ مَحْرُومِينْ

لَا مَنْ رَافَدْ لِيهَمْ هَمْ

وَ لَا مَنْ لَعْرَبْ يَزْعَمْ

يَغْضَبْ يِصِيحْ وَ يَتْكَلَّمْ

كَنْحَنْ وَ نَتْأَلَّمْ

عْلَى شْبَابْ أُمْ الدُنْيَا

رَمْز الْوَحْدَة الْعَرَبِيَا

مَقْتُولِينْ بِرْصَاصْ

مَدْفُونِينْ فِي لَحْبَاسْ

عَايْشِينْ فِي لَهْوَاسْ

كَنْحَنْ وَ نَتْأَلَّمْ

عْلَى تَرِّيكَتْ لَعْرَبْ

يِقَاسِيوْ لْفَقْر وَ الرُّعْب

لَا قْرَاَية لَا خَدْمَةْ

لَا شَانْ لَا هَمَّةْ

لَا مْقَامْ لَا سَكْنَةْ

كَنْحَنْ وَ نَتْأَلَّمْ

عْلَى حْوَالْنَا أَلْخُوتْ

لِي بِينَا مَا يْفُوتْ

حْتَى نْغَيرُو مَا بِنَا

بَاشْ تْحَرَّكْ سْفِينَا