خيمة شعيب صالح المدكوري

اِشَاعَةْ

قْهَرَنِي كْلَامْ النَّاسْ

أُو وْصَافُو

كْذُوبْ مَا لِو سَاسْ

فِي خْبَارُو

شْحَالْ هَلْكُو مَنْ رَاسْ

بِ لَفْقْيَاسْ تْصَابُو

اِشَيْعُوا خْبَارْ الْوَسْوَاسْ

مَا اِيهَمْهُمْ صْحَابُو

اِيخَطُّو خْرَايفْ فُوقْ لَقْيَاسْ

نَشْرُو زَادُو گَالُو

مْعَ لِيَّامْ اطِيحْ اِدِيهَمْ فِي الطَّاسْ

اِتْفَضْحُوا اُو اِيبَانْو

لِشَاعَةْ خْبَارْ السُّوقْ الْمَتْعَاسْ

حَامْلَة الشَّرْ بِمْتَاعُو

صْحَابْهَا مَاهُمْ غِيرْ نْحَاسْ

بِسْرَارْ النَّاسْ يَتْعَايشُو

حَامْلِينْ شْوَاقَرْ أُو مْوَاسْ

لْحَمْ لَعْبَادْ يَاكْلُو

مَا عَنْدْهُمْ دَمْ وَ لَا اِحْسَاسْ

رَگْدُو مَا فَاقُو

شعيب صالح المدكوري

17.07.2017