خيمة شعيب صالح المدكوري

كِيفْ لْبُوَهالِي

...
زْمَانْ مَسْكِينْ قَهْرُو
صْبَحْ مْكَشَّطْ مْسَالِي
غَادِي غِيرْ وَحْدُو
مْجَرَّدْ فِ لَخْلَة دَاوِي
اِخَمَّمْ اِعَاوَدْ هَمُّو
عْلَى رَاسُو اِفَاجِي
كُلِ شَافُو اِحَسْبُو
وَاحَدْ مْسَطِّي بُوهَالِي
اِگُولْ هَدَا خَصُّو
اِلْگَا عُقَيَّلْ مَاضِي
اِرَجَّعْ لِيهْ صْوَابُو
حَالْتُو شَغْلَتْ بَالِي
كْثِيرْ مَنُّو اِتْصَابُو
لِ مَا هْضَرْ بٍلْعَلَّانِي
تَلْگَاهْ اِگَمْگَمْ فِ عَبُنُو
حَاسَبْ رَاسُو بَرَّانِي
وَسَطْ خُوتُو ؤُصْحَابُو
سَاعَة لْمَسْگُوعْ خَاوِي
كُلْ شِي نَايَضْ ضَدُّو
ؤُ كَمْلُو عْلِيهْ دْرَارِي
مَ لْگَا حِيلَة تْفّكُّو
وَلَا فْرِيبْ اِنَادِي
حَالْتُو تْبَكِّ لَعْدُو
خُوهْ لْمَسْلَمْ مَشَكْمَانِي
لَفْقَرْ رْجَعْ بِخُبْزْتُو
يَغْلَبْ ضْعَافْ بْلَادِي
رَبِّي مَ يَمْنَعْ رَحَمْتُو
عْلَى عَبْدُو فِ سْوَادِي
...
شعيب صالح المدكوري
تامسنة 17.02.2018