أنَا مَغْرِبِيَّة

أنَا مَغْرِبِيَّة

...

شَلْحَة ؤُلَا عَرْبِيَة

عْيُونْهَا كَحْلَة مْلَاحْ

جْدُورْهَا مَغْرِبِيَة

تَرْوِي لَرْوَاحْ

حْرَوفْهَا غِيوَانِيَّة

تَشْفِي لَجْرَاحْ

غَرْسْهَا رُوحِانِيَة

نْبْتَتْ لَفْلَاحْ

تُرْبَتْهَا اِفْرِيقِيَّة

زِيَنة لَمْدَاحْ

غْزَالَة بَدْوِيَة

نُورْهَا َمْصَبَاحْ

...

شْرِيفْة الَاصَالَة

خَلْفَّتْ خَيرْ لَنْجَادْ

مَا فِيهَا اشْطَارَة

بِالْخِيرْ نَعْمَّتْ لَبْلَادْ

بِ لَعْقَلْ ؤُ لَمْهَارْةْ

عَاشْرَتْ لَجْوَادْ

بِ الْعَفَّة وَ طْهَارَة

كَانَتْ بِ لْمِيلَادْ

مْنَوْرَة مَسْرَارَة

تَرْبِية لَجْدَادْ

صْوَابْ ؤُ لّوْقَارَة

صِيفَة لَمْجَادْ

...

هَادِي بَنْتْ بْلَادِي

لِي مَنْ جَهَلْهَا

عْنَايْتِي وَ سَعْادِي

رَبِّي حَافَظْهَا

بَنتْ لبَدْو وَ الْوَادِي

حُرَّة مَنْ خْلِيقَتْهَا

تَطْلُبْ الله وَ تْنَادِي

احْتا اِنْس مَ اَدِيهَا

الْمَاجِي وَ الْغَادِي

يَشْكُرْ سِيرَتْهَا

الْعَادِي وَ الْبَادِي

يَتْمَنَّى يِزَوَجْهَا

...

شعيب صالح المدكوري

22.03.2018