خيمة شعيب صالح المدكوري

قصيدة بحلة جديدة بطريقة حنيفية
**************************
لْگِيتْ ؤُشَفتْ
***
لْگِيتْ نْفُوسْ
شَفَتْ عْيُوبْهَا
وُلْگِيتْ صْحَابْهَا مُصِيبَاتْ
..
لْگِيتْ صِفَاتْ
ثْلَاثَة مَحْسُوبَة
عْيُوبْ شَلَّا مَخْلُوقَاتْ
...
لْگِيتْ لَكْدًوبْ
ؤُلْگِيتْ لْخِيَانَة
فِ وُجُوهْ خْبِيتَاتْ
...
شَفتْ عْبَادْ
اِتْعَبْدُو بْصّلَوَاتْ
كُلْهَا بْهُوتْ ؤزْعَمَاتْ
...
لْگِيتْ الْعَشْرَة
دْخَلْهَا لَبْلَة
فَرْقَتْ بِينْ صْحَبَاتْ
...
لْگِيتْ رَاسِي
وَحْدِي نْقَاسِي
وَسْط جْمَاعَة شلَهْبِيَاتْ
...
شَفْتْ لْخُوتْ
مَشْمُوتَة شْمُوتْ
دَاتْهُمْ مُوجَة لْحَمْلَاتْ
...
شَفْت ؤُشَفْتْ
ضَخَتْ ؤُتْلَفتْ
ؤُگَلتْ سَلَاتْ ؤُتْفَضَاتْ
..
شعيب صالح المدكوري
تامسنة 03.05.2018