خيمة شعيب صالح المدكوري

فِيلَالِيَةْ

سَمْرَة صَحْرَاوْيَة

عْيُونْهَا كَحْلَة مْلَاحْ

جْدُورْهَا فِيلَالِيَة

تِسْقِي لَرْوَاحْ

حْرَوفْهَا شِعْرِيَة

تَشْفِي لَجْرَاحْ

غَرْسْهَا رُوحِيَة

نْبَاتْ لَفْلَاحْ

اَصَلْهَا عَلَوِيَة

خَيرْ لَمْدَاحْ

غْزَالَة بَدْوِيَة

نُورْهَا َمْصَبَاحْ

...

كَنزْ شْرِيفْ الَاصَالَة

خَلْفَّتْ خَيرْ لَجْيَادْ

مَا فِيهَا اشْطَارَة

بِالْخِيرْ نَعْمَّتْ لَبْلَادْ

بِ لَعْقَلْ بِ مْهَارْةْ

عَاشْرَتْ لَجْوَادْ

بِ الْعَفَّة وَ طْهَارَة

نَجْبَتْ أَوْلَادْ

مْنَوْرَة مَسْرَارَة

تَرْبِية لَجْدَادْ

صْوَابْ بِ جْهَارَة

صِيفَة لَسْيَادْ

...

هَادِي بَنْتْ بْلَادِي

لِي مَا عْاَرَفْهَا

عْنَايْتِي وَ سَعْادِي

رَبِّي حَافَظْهَا

بَنتْ لبَدْو وَ الْوَادِي

حُرَّة مَنْ خْلِيقَتْهَا

تَطْلُبْ الله وَ تْنَادِي

اِنْس مَا يِعَاتَبْهَا

الْمَاجِي وَ الْغَادِي

يَشْكُرْ سِيرَتْهَا

الْعَادِي وَ الْبَادِي

يَتْمَنَّى يِزَوَجْهَا

شعيب صالح المدكوري

11.07.2017