خيمة شعيب صالح المدكوري

مَرْجَانَة

***

لْگَلْب لِيكْ جَاكْ

شَافَكْ ؤُ نْوَاكْ

يَا عَجَبَة

بِزِينَكْ ؤُ بْهَاكْ

يَرْحَمْ مَنْ سَمَّاكْ

يَا مَرْجَانَة

لْمَرْجَانْ شْكَاكْ

لْخَالْقَكْ ؤُ بْكَاكْ

هَا لْفَهَامَة

كَيَّة لِ هْوَاكْ

حَبَّكْ ؤُ بْغَاكْ

هَا زْعَامَة

لِ خَلْقَكْ يَرْعَاكْ

مَنْ شَّرْ حْمَاكْ

هَا سَلَامَة

رَگْبِي مَنْ سْمَاكْ

رَانِي نَتْرَجَاكْ

يَا لْفَتَّانَة

حْيَاتِي تْكُونْ مْعَكْ

زِينَة مَ نَنْسَاكْ

بْلَا اِهَانَة

رْوحَكْ ؤُ صْفَاكْ

مَ ْتَخَلِّنِي نَجْفَاكْ

وُانْتِ لَحْصَانَة

أنَا رْهَانَكْ

وَ نَا بْتَاتَكْ

اَ مَرْجَانَة

***

شعيب صالح المدكوري

الرباط 18.09.2017