خيمة شعيب صالح المدكوري

بَنْت حَوَا

سَوْلُونِي عَلْ لَمْرَا

گُلْت لِهَمْ هِيَ تَمْرَا

لِ ضَاقْ حْلَوًتْهَا مَا يِخِيبْ

تَجْنَاتْ مَنْ ضَلْعَا

لَرَجَلْ عْوِين ؤُ رَحْمَة

هِيَ رْفَگَتْ لگليب حْبِيبْ

لَمْرَا مَنْ رَبِّي هْدِيَةْ ؤُ كَنْز

لِ عْشَقْهَا تْعَيشٌو فِيْ لْعَز

هِيَ دْوَا ؤُ هِيَ طْبِيبْْ

لَمْرَا عْمَارَةْ الدَّاارْ

صَاحْبَتْ لعشرة ؤشْوَارْ

كَبَّرْ بِهَا ؤُ حْطِيكْ لعيب

عْلِيهَا تْعَوَّلْ فِلْمْحَايَنْ

هي تشقا ؤ انت اِدَّكْ فِي جِيبْ

حَمْل تْقُلْهَا وَ الله حْتَى صْعِيبْ

لَمْرَا رْفَگَتَهَا تْوَنَّسْ رُوحْ

صَبَّاَرَة ؤُ حْنِينَة تَشْفِي لَجْرُوحْ

مَنْ غِيرْهَا مَا عَنْدَكْ فِينْ تْغِيبْ

بْلَا بِهَا لْعِيشَا حَارَا صْعِبَا

غْبْهَا فِي لْبِيتْ قَاصْحَا وَ رْوِينَا

رَاكْ تَقْهَرْ تْهَدْ ؤُ تْشِيبْ

شْكْونْ يَحْضِي لِيكْ غْيَابَكْ

شْكُونْ يَرَبِّي ؤُ يِصُونْ وْلَادَكْ

شْكُونْ مَنْ غِيرْهَا تْصِيبْ

هِيَ لِتَلْقَهَا تْكُونْ جَنْبَكْْ

حِيتْ تَشْرَفْ ؤُتْسَلَا جَهْدَكْ

ؤُ تْحَسْ بْرَاسَكْ غْرِيبْ

طْهَلَّا فِيهَا تْكُونْ لِيكْ رْحِيَما

معهَا تَلْقَى رَاحَة ديما

اِلَا كَانَتْ لِيكْ نَصِيبْ

لَمْرَا مَا نَاقْصَة دِينْ وَ لَا عْقَلْ

مَا يَعْرَفْ قِيمَهْاَ غِيرْ لَفْحَلْ

مَا تْكُونْ شْرِيكْ ذِيبْ

سَوْلُونِي عَلْ لَمْرَا

گُلْت لِهَمْ هِيَ سر رباني

حَاْمْلاَ مْعَهَا جْمِيعْ لَمْعَانِي

لِ ضَاقْ حْلَوًتْهَا مَا يِخِيبْ

مَا فِيهَا مَا تْعِيبْ

شعيب صالح المدكوري

20.07.2017