خيمة شعيب صالح المدكوري

طُوفَانْ

بْحُرَاتْ غَارْقَة

مْظَلْمَّة عْمِيقَة

بِ جْفُونْ عْمَاقِي

مْوَاجْهَا عَالْيَة

صْعِيبَة جَالْيَة

تَجْرِي سْوَاقِي

بْرَاكَنْ شَاعْلَة

عْوَاصَفْ نَايْضَة

وَاشْ بَاقِي

صْخُورْ مَرْدُومَة

شْجَارْ مْنُتُورَة

زَلْزْلَتْ شْوَاقِي

فِينْ لْعَاتْقَة

رَاگْدَة وَلَا فَايْقَة

تَدَّاوِي حْمَاقِي

بْعَقْلِي سَارْحَة

بْگَلْبِي سَاجْدَة

عْرُوقِي تْلَاقِي

...

لَحْبِيبَة سَالْبَنِي

وَاخَّة جَافْنَانِي

رَحْمِي تَرْحَامِي

انْتِ لَمْعَدْبَانِي

وَ انْتِ لْمَحْنَانِي

فَيَضْتِي دَمِي

كُنْتِ مْسَانْدَانِي

حْنِينَة مْسَعْدَانِي

رَاْفْدَة هَمِّي

التَّعْس بْلَانِي

زَادْ شْطَانِي

نَزَّلْ عْلَامِي

لَحْبِيبْ نْسَانِي

هْرَبْ خَلَّانِي

سْبَابْ سْقَامِي

لْگَلِيبْ مَ هَنَّانِي

كُنْ غِيْر دَانِي

نْسَا تَخْمَامِي

شعيب صالح المدكوري

الرباط 12.09.2017