خيمة شعيب صالح المدكوري

حْتَا يَطْلَقْ الله سْرَاحْ

نْبِينَا وْصَفْ لْفَقرْكُفرْ

لِ عَقْلُو قَاصَحْ

كْثَرْ مَنْ لَحْجَرْ

مَ يَتْعَقَلْ مَ يَتَصْلَحْ

جَهْلُو عْرِيضْ بْحَرْ

بَابُو مَ يَتَفْتَحْ

عَمَّرْ لَعْسَلْ اِكُونْ مُرْ

ؤُ هُوَ يَشْفِي ؤُ يَصَّحْ

عُمَرْ لْعَبدْ اِكُونْ حُرْ

فِ حَقُّو مْسَامَحْ

رَاضِي بِ دَّلْ ؤُ لَقْهَرْ

مَ عَمْرُو يَرْتَاحْ

رَجْلِينْ فُوقْ لَجْمَرْ

كَسْدَة مَطْلِيَّة جْرَاحْ

شِ غَاطَسْ فِ لَقْمَرْ

نَاوِى مَسْكِينْ يَرْبَحْ

شِ مْضَيَّعْ لَعْمَرْ

فِ لَبْكَا ؤُ نْوَاحْ

لْمَكْتُوبْ فِ كْتَابْ مْسَطَّرْ

كُلْ وَاحَدْ فِينْ يَتْلَاحْ

وَنَا عَلْ لَمْقَدَّرْ صَابَرْ

حْتَا يَتْلَقْ الله سْرَاحْ

يَبْرَا لَعْضَمْ وُ يَتْجَبَّرْ

نْعِيشْ هَانِي يَا صَاحْ

شعيب صالح المدكوري

الرباط 12.09.2017