خيمة شعيب صالح المدكوري

وِحْدَكْ تْعَانِي

...

مُيمْتِي أَنَا عْلَ وَعْدِي

شْحَالْ مَگْوَانِي

مَ ضْرَبتْ حْسَابْ وْلَادْي

بِ لْسَانْهُمْ ضَرُّونِي

عَيْرُونِي بِ كْلَامْ تْعَادِي

هَجْرُونِي ؤُ بَكَّاوْنِي

مَ خَمَّمتْ فِ ضَرْ كْبَادِي

حَرْگُونِي ؤُ شْوَاوْنِي

عِدِّيتْهُمْ اِكُونُو زَادِي

خَرْجُو لِي عَدْيَانِي

حَرْمُو عْلِيَا حْتَا رْگَادِي

هَذَا مَكْتَابْ زْمَانِي

بِسْبَابْ مْحَبْتِي لَحْفَادِي

تْعَادِيتْ ؤُ شْكَاوْنِي

نَكْرُو اَصْلِي ؤُ جْدَادِي

سَمْحُو ؤُ نْسَاوْنِي

ضَاعْ قْلَامِي ؤُ مْدَادِي

ضَاعْ مَنِّي سَلْطَانِي

بَرَّحتْ ؤُ عْيِيتْ مَ نَادِي

ؤُ شَلَّة حْرُوفْ مْعَانِي

رَجْعَتْ لْعَتْبَة وْسَادِي

شَبتْ ؤُ طَاحُو سْنَانِي

تْقَدَتْ حِيلْتِي ؤُ جْهَادِي

هَزْنِّي رِيحْ ؤُ دَانِي

لْحَمْ اِلَا خْنَزْ اَ سْيَادِي

وَحْدَكْ تَبْقَا تْعَانِي

وَحْدَكْ تَبْقَا تْعَاِني

...

شعيب صالح المدكور

الرباط 25.09.2017