جْفَا دْوَا

جْفَا دْوَا

***

يَا لْمُصَابْ بِگَرْحَة

اِلَا كَانْ جْفَا

دْوَا فِيهْ نْجَا

ؤُ عْلَاشْ لَا

حْسَنْ مَ تَبْلَا

بِغْدَرْ لْعَشِرَا

يَا لْمُصَابْ بِگَرْحَة

لْيُومْ لْوَاحَدْ مَنَّا

خَصُّو يَحْسَبْ بَزَّافْ ؤُ شَلَّا

ؤُ شُوفْ تْشُوفْ ؤُ يَتْسَنَّا

اَشْ جَايه مَنْ بْلَا

بَاشْ مَ اِتَصْدَمْ صَدْمَة

يَا لْمُصَابْ بِگَرْحَة

صَدْمَة تْخَلِّيه يَنْدَمْ نَدْمَة

ؤُ يَكْرَهْ ؤُ يَتَجْلَا

ؤُ كِيفْ گَالَتْ لْحَكْمَة

گْطَعْ هَبْرَة...تَبْرَا

گْبَلْ مَ دِّيرْ مَجْرَا

يَا لْمُصَابْ بِگَرْحَة

هَدِي غِيرْ وْصِيَّة

اِمْكَنْ تَنْفَعْ گْبَلْ لْحَصْلَة

ؤُ لَفْضِيحَة گْبَلْ مَ تَجْرَا

ؤُ انْتَ أَخُويَا صَاحَبْ نَظْرَة

دِيرْ بِهَا ؤُلَا نْسَاهَا بِمَرَّة

يَا لْمُصَابْ بِگَرْحَة

...

شعيب صالح المدكوري

تامسنا 27.02.2018