خيمة شعيب صالح المدكوري

دَنْدَنْ أَ دَنْدُونْ

...

دَنْدَنْ أَ دَنْدُونْ

ؤُگُولْ لِي شْكُونْ

اِگَدْ لْيُومْ اِكُونْ

مَاشِ مَشْطُونْ

مُحَالْ أصَاحْ مُحَالْ

دَنْدَنْ أَ دَنْدُونْ

نْغَامْ بِسْكُونْ

عْلَا لِي مَسْكُونْ

بِهْمُومْ ؤُشْطُونْ

تَالَفْ مَشْغُولْ لْبَالْ

دَنْدَنْ أَ دَنْدُونْ

عْلَا لِي مَرْهُونْ

عَامَرْ دْيُونْ

تْشُفُو مَفْتُونْ

مْكَبَّلْ زُغْبِي كْبُالْ

دَنْدَنْ أَ دَنْدُونْ

عْلَا لْعَاشَقْ مْتُونْ

كْلَامْ زِينْ مَوْزُونْ

بْنَغْمَة لْمَلْحُونْ

مَ تَتْقَدَّرْ بِمَالْ

دَنْدَنْ أَ دَنْدُونْ

هَدَا زْمَانْ دْهُونْ

كُلْشِي بِلْعَرْبُونْ

ؤُلْخَوَة تْخُونْ

شَرْ نَازَلْ شَلَّالْ

...

شعيب صالح المدكوري

تامسنا 02.03.2018