فْضِيحَة بِقْرَاقَبْ

شعيب صالح المدكوري
**************

فْضِيحَة بِقْرَاقَبْ

...

نْگُولْهَا زَبْطَة

عَرْيَانَة مْجَرْدَة

بَنْهَارْ

گَهَّارْ

لْدَاكْ رَاسْ

لْمَحْسَادْ لْمَغْيَارْ

اِبَانْ فْصُورَة بْنَادَمْ

لَابَسْ هَيْضُورَةْ كِدَارْ

عَقْلُو مَرْهُونْ

مَرْبُوطْ مْكَبَّلْ

بِسْلَاسَلْ حْدِيدْ

عْلَى جْدَعْ شَجْرَة

كَسْدَة

مْعَلْگَة

مْشَنْقَة

مَخْنُوقَة

خْمَامُوْ إِدُورْ

دُورَة رْحَة

مَ إِقَدَّمْ مَ إِوَخَّرْ

نَاسْ فِ عْيُونْهَمْ

غِيرْ دَرْبَازَة

هُمَا وَحَدْهُمْ حُكَامَة

تَمْشِي فِ طْرِيگْهُمْ

تِيهْ أَخُويَا ؤُتَجْلَى

تَعْكَسْ  مْرِيرَتْهُمْ

سِيرْتَكْ تْشِيعْ مْشَوْهَة

لَعْقَلْ مْعَهُمْ

حَارْ ؤُبْلَى

مَ لْگَا لِيهَمْ

حِيلَة وَ لاَ دْوَى

اَ لْعَاقَلْ فْهَمْ قَصْدِي

ؤُعْرَفْ لْمَقْصُودْ

بِكْلَامِي ؤُمْعَانِي

هُمَا رَاهُمْ مَنْ بَكْرِي

فَهْمُونِي ؤُعَادَوْنِي

شَعْلُو عْلِيَا حَرْكَة

بَكْدُوبْ مْلَفَّة

ؤُ هُمَا غِيرْ وْسَخْ

بِينْ لْحَمْ ؤُضْفَرْ

وَالله تُمَّ وَالله مَا هَمُّونِي

وَلَا گَدُّو اِمَسُّو شَعْرَة مَنِّي

مْخَلِّيهُمْ اِنَبْحُو نْبُوحْ لَكْلَابْ

مَ ضَارَبْ لِيهَمْ حْسَابْ

ؤُهُمَا وَحَدْهُمْ فِي عْدَابْ

حْتَى اِجِي يُومْ لَحْسَابْ

ؤُلِتْگَالْ اِتْعَادْ

ؤُلِتْگَالْ اِتْعَادْ

...

شعيب صالح المدكوري

27.08.2018