دبر قهر

شعيب صالح المدكوري
******************
دْبَرْ قْهَرْ
***
لْعَارْ يَا لْعَارْ
گُولُو لْدَاكْ شَفَّارْ
رَاكْ خْوِيتِي دَّارْ
مَ بْقَا لِينَا مَ إِدَّارْ
رَاكْ قْهَرْتِنَا تَقْهَارْ
وَصْلَتْ لَعْظَمْ ؤُخَرْجَاتْ
...
لْعَارْ يَا لْعَارْ
إِسْرَقْ لِيلْ ؤُنْهَارْ
طَالَعْ وَاكَلْ ْمَنْشَارْ
كَتْرَاتْ مَنُّو لَضْرَارْ
لَجْمِيعْ جَابْ لَخْبَارْ
رِحْتُو خَانْزَة عْطَاتْ
...
لْعَارْ يَا لْعَارْ
شَفَّارْ صْلِيبْ حَارْ
إِدْبَحْ دْبِيحْ زِزْوَارْ
غُولْ عْفِينْ غَدَّارْ
لْخِيرْ بْلَادُو نَكَّارْ
ؤُزَايدْ فِ لْمُصِيبَاتْ
...
لْعَارْ يَا لْعَارْ
لَعْقَلْ مْعَاهْ حَتَارْ
مَ بْقَا لِينَا نَخْيَارْ
وَلَا لِيَنَا عْدَارْ
غِيرْ تَطَرْقُ لْمَسْمَارْ
بْلَا صْدَاعْ وَلَا حِيلَاتْ
...
لْعَارْ يَا لْعَارْ
مَ بْقَا كْلَامْ لْحِوَارْ
مَ بْقَا عَارْ لْجَارْ
نْفَد صْبَرْ لَحْمَارْ
كْتَرْ عْلِينَا لْمَعْيَارْ
رْجَعْنَا رْوَاعِينْ شْمَتَاتْ
...
بقلمي شعيب صالح المدكوري
(المغرب) 12.09.2018